وزع شربات

بقلم : ضيا طحاوي

خد تنهيده وبسمه
ورشة فل ع اللي فات
وإرسم ضحكه
وطله جميله
ولملم أي سراب جواني
بأحلي سكات
وبكل صلاة وبسكون الليل
ودموع بتغرق سجادتك
إدعي بقلبك وبإيمانك
لكل حبيب
ودعنا ومااات
هتلاقي حياتك ورديه
نفسك راضيه
وقلبك هادي ماشي
بتوزع شربات
وزع شربات
مليان بالحب الإنساني
ممزوج بإيمانك بالأسباب
وقدرنا اللي بإيده لوحده
وبلاها عيشه الأغراب
الدنيا متاع
وقتي مزيف
تحسب ليها
علي طول خسران
أصل الترتيب الرباني
يقابلنا من حسن النيه
وساعتها بتكون الكسبان
فتقوم وتوزع شربات
وزع شربات